Իտալական «Ինտերի» կազմը համալրել է Կոլումբիայի հավաքականի կիսապաշտպան Խուան Կուադրադոն, հաղորդում է ակումբի մամուլի ծառայությունը։
35-ամյա ֆուտբոլիստն ազատ գործակալի կարգավիճակում է տեղափոխվել «Ինտեր»: Կողմերը ստորագրել են մեկ տարվա պայմանագիր:
Հիշեցնենք, որ կոլումբացին 2015 թվականի օգոստոսից մինչև մինչև 2022/2023 մրցաշրջանի ավարտը խաղում էր Թուրինի «Յուվենտուսում»: Նախկինում Կուադրադոն պաշտպանել էր նաև Լոնդոնի «Չելսիի», իտալական «Ֆիորենտինայի», «Ուդինեզեի» և «Լեչեի» գույները:
