Անգլիական «Լիվերպուլի» գլխավոր մարզիչ Յուրգեն Կլոպը խոսել է թիմի եգիպտոսցի հարձակվող Մոհամեդ Սալահի մասին:
«Սալահը «Լիվերպուլի» լեգենդն է, և նման ֆուտբոլիստների մեծությունը հասկանում ես միայն նրանց հեռանալուց հետո: Քանի դեռ նրանք այստեղ են և փայլուն խաղեր են անցկացնում, տպավորություն է, թե միշտ կարող է ավելի լավ ստացվել:
Այն պահից, երբ նա հեռանա, որևէ մեկը կնայի Սալահի թվերին ու չի հավատա աչքերին: Վերջին խաղում նա դարձավ Չեմպիոնների լիգայում «Լիվերպուլի» պատմության լավագույն ռմբարկուն:
Ինձ դուր է գալիս, որ Սալահը նոր ռեկորդներ է սահմանում: Նրա ներդրումը մեծ է վերջին տարիների մեր հաջողություններում: Նա մեծագույն ֆուտբոլիստ է»,- Կլոպի խոսքը մեջբերում է Sky Sports-ը:
Ընթացիկ մրցաշրջանում Սալահը «Լիվերպուլի» կազմում մասնակցել է 34 հանդիպման, խփել 19 գոլ, կատարել 9 գոլային փոխանցում:
