Ամերիկացի աթլետ Քրիստիան Թեյլորը 34 տարեկանում հայտարարել է մարզական կարիերան ավարտելու մասին:
«Չէի կարող երազել ավելի լավ կարիերայի կամ ավելի լավ ճանապարհի մասին»,- Թեյլորի խոսքը մեջբերում է World Athletics-ի մամուլի ծառայությունը։
Ամերիկացին 2012 և 2016 թվականններին եռացատկում դարձել էր օլիմպիական չեմպիոն, 2011, 2015, 2017, 2019 թվականներին նվաճել էր աշխարհի չեմպիոնի կոչումը:
Նա հանդես էր եկել նաև 400 մետր վազքում, 2014 թվականին 4 x 400 մետր փոխանցումավազքում դարձել էր աշխարհի չեմպիոն:
Թեյլորը հուլիսի 19-ին Գեյնսվիլում կայացած մրցմանը գրավել էր 5-րդ տեղը: Սա դարձավ նրա կարիերայի վերջին մրցաշարը:
