«Ռեալի» գլխավոր մարզիչ Կառլո Անչելոտին չի գլխավորի Բրազիլիայի հավաքականը, հայտնում է Marca-ն:
Իտալացի մասնագետը Լոնդոնում հանդիպել ու բանակցել է Բրազիլիայի ֆուտբոլի կոնֆեդերացիայի ներկայացուցիչների հետ, հասել բանավոր համաձայնության:
Չնայած դրան՝ «Արքայական ակումբի» նախագահ Ֆլորենտինո Պերեսը թույլ չի տվել, որ Անչելոտին ստորագրի պայմանագիրը: «Ռեալի» նախագահին դուր չի եկել այն փաստը, որ Անչելոտին բանակցություններ է վարել մրցաշրջանի այս հատվածում:
Բրազիլիայի ֆուտբոլի կոնֆեդերացիան այլևս չի սպասի Անչելոտիին և նոր մարզիչ կփնտրի:
65-ամյա մասնագետն այժմ դիտարկում է Սաուդյան Արաբիայում աշխատելու տարբերակը:
