Կատալոնական «Բարսելոնան» ավարտին է հասցրել իսպանական «Սևիլիայից» տեղափոխված ֆրանսիացի պաշտպան Ժյուլ Կունդեի տրանսֆերը, հայտնում է ակումբի մամուլի ծառայությունը։
23-ամյա ֆուտբոլիստը 5 տարվա պայմանագիր է կնքել, իսկ հրաժարագինը կկազմի 1 միլիարդ եվրո։ Կունդեի շնորհանդեսը կկայանա օգոստոսի 1-ին։
Ավելի վաղ հաղորդվում էր, որ Ֆրանսիայի հավաքականի ֆուտբոլիստի համար «Կապտանռնագույնները» 50 միլիոն եվրո կվճարեն «Սևիլիային»։ Եվս 5 միլիոն եվրո անդալուզյան ակումբը կարող է ստանալ հավելավճարների տեսքով։
Լա լիգայի 2021/22 մրցաշրջանում Կունդեն «Սևիլիայի» կազմում մասնակցել է 32 խաղի, խփել 2 գոլ, կատարել 1 գոլային փոխանցում։


