Կոնֆերենցիաների լիգայի որակավորման երկրորդ փուլի առաջին խաղում Երևանի «Ուրարտուն» հյուրընկալվելիս չկարողացավ լուրջ պայքար առաջարկել չեխական «Բանիկ Օստրավային» և պարտվեց 1-5 հաշվով։

Դաշտի տերերը երեք գոլ խփեցին առաջին խաղակեսում, ևս երկու անգամ հայկական ակումբի դարպասը գրավեցին ընդմիջումից հետո: Դմիտրի Գունկոյի գլխավորած թիմի հեղինակության գոլն ավելացված ժամանակում խփեց Հայաստանի երիտասարդական հավաքականի հարձակվող Գևորգ Տարախչյանը։

78-րդ րոպեին խաղադաշտից հեռացվեց «Ուրարտուի» ավագ, Հայաստանի հավաքականի պաշտպան Ժիրայր Մարգարյանը:

Պատասխան հանդիպումը կկայանա օգոստոսի 1-ին «Ուրարտուի» ստադիոնում։ Այս դիմակայության հաղթողը հաջորդ փուլում մրցելու է «Կոպենհագեն» (Դանիա) - «Մեգփիս» (Ջիբրալթար) զույգի հաղթողի հետ:

Կոնֆերենցիաների լիգա, որակավորման երկրորդ փուլ, առաջին հանդիպում

«Բանիկ» (Չեխիա) - «Ուրարտու» (Հայաստան)` 5-1

Էվերթոն, 15, Իրժի Բուլա, 22, Դավիդ Բուխտա, 26, Էրիկ Պրեկոպ, 62, Իրժի Կլիմա, 82 (11մ) - Գևորգ Տարախչյան, 90+4

Հեռացում` Ժիրայր Մարգարյան («Ուրարտու»), 78