ՈւԵՖԱ-ն պաշտոնապես հայտնել է, թե որ քաղաքները կընդունեն Կոնֆերենցիաների լիգայի հաջորդ երկու խաղարկությունների եզրափակիչները:
2023/2024թթ. մրցաշարի վճռորոշ հանդիպումը կանցկացվի Հունաստանի մայրաքաղաք Աթենքի «Ագյա Սոֆիա» ստադիոնում, որը հյուրընկալում է 31 հազար հանդիսական:
Մրցաշարի 2024/2025թթ. խաղարկության եզրափակիչը կընդունի լեհական Վրոցլավի քաղաքային ստադիոնը, որը կարող է տեղավորել 45 հազար երկրպագուների:
Հիշեցնենք, որ Կոնֆերենցիաների լիգայի ավարտված խաղարկության եզրափակիչն ընդունել էր Չեխիայի մայրաքաղաք Պրահայի «Էդեն Արենան»: Վճռորոշ խաղում անգլիական «Վեսթ Հեմը» 2-1 հաշվով հաղթել էր իտալական «Ֆիորենտինային»:
