ԱՄՆ-ում շարունակվող ֆուտբոլի Ամերիկայի գավաթի խաղարկության խմբային փուլի երկրորդ տուրում գործող չեմպիոն Արգենտինայի հավաքականը երկրորդ անընդմեջ հաղթանակն է տարել:

Չիլիի հավաքականի հետ հանդիպման միակ գոլը խփել է Միլանի «Ինտերի» հարձակվող Լաուտարո Մարտինեսը, որն աչքի է ընկել 88-րդ րոպեին:

Այդ հաղթանակից հետո աշխարհի գործող չեմպիոնը ժամկետից շուտ ապահովել է քառորդ եզրափակիչի ուղեգիրը: 

A խմբի մյուս խաղում կանադացիները նվազագույն հաշվով հաղթել են Պերուի հավաքականին։ Վերջին տուրից առաջ Արգենտինան ունի 6 միավոր, Կանադան՝ 3, Չիլին ու Պերուն՝ մեկական։ Երրորդ տուրում կկայանան Արգենտինա - Պերու ու Չիլի - Կանադա դիմակայություններ։

Ամերիկայի գավաթ, երկրորդ տուր

A խումբ

Չիլի - Արգենտինա՝ 0-1 (տեսանյութ)

Լաուտարո Մարտինես, 88

Պերու - Կանադա՝ 0-1 (տեսանյութ)

Ջոնաթան Դեյվիդ, 74

Հեռացում՝ Միգել Արաուխո, 59 (Պերու)