Երկարատև հիվանդությունից հետո 63 տարեկանում կյանքից հեռացել է «Բարսելոնայի», Մադրիդի «Աթլետիկոյի» և Իսպանիայի հավաքականի նախկին ֆուտբոլիստ Մարկոս Ալոնսո Պենյան, որը կատալոնական գրանդի պաշտպան Մարկոս Ալոնսոյի հայրն է:
««Բարսելոնան» խորին ցավակցություն է հայտնում ակումբի նախկին ֆուտբոլիստ և ներկայիս հիմնական թիմի պաշտպան Մարկոս Ալոնսոյի հոր՝ Մարկոս Ալոնսո Պենյայի մահվան կապակցությամբ։ Հանգչիր խաղաղությամբ»,- նշված է «Բարսելոնայի» ցավակցական ուղերձում:
Հիշեցնենք, որ հարձակվող Մարկոս Ալոնսո Պենյան 1984 թվականին Իսպանիայի հավաքականի կազմում դարձել էր Եվրոպայի փոխչեմպիոն:
