«Վաշինգտոն Քեփիթալզի» ռուս հոկեյիստ, NHL-ի պատմության երկրորդ լավագույն ռմբարկու Ալեքսանդր Օվեչկինը սոցցանցերում հայտնել է հոր՝ Միխայիլի մահվան մասին:
«Այսօր մահացավ հայրս: Շնորհակալ եմ բոլորին աջակցության համար, բայց խնդրում եմ ըմբռնումով մոտենալ և չանհանգստացնել իմ ընտանիքին մեզ համար այդքան դժվար պահին»,- գրել է 37-ամյա հոկեյիստը:
Ավելի վաղ Օվեչկինը մեկնել էր հայրենիք և բաց թողել «Կարոլինայի» դեմ Հոկեյի ազգային լիգայի (NHL) հերթական տուրի հանդիպումը:
NHL-ի ընթացիկ մրցաշրջանում ռուս հարձակվողը մասնակցել է 54 հանդիպման, խփել 32 գոլ և կատարել 22 ասիստ:
Ընդհանուր առմամբ՝ Օվեչկինը NHL-ում դարձել է 812 գոլի հեղինակ և 82 տափօղակ է զիջում լիգայի պատմության լավագույն ռմբարկու, կանադացի Ուեյն Գրեցկիին (894):
