«Միլանի» դարպասապահ Մայք Մենյանը կարող է հեռանալ ակումբից, հայտնում է La Gazzetta dello Sport-ը։
Ֆրանսիացի ֆուտբոլիստի ու «Ռոսոներիի» գործող պայմանագրի ժամկետը լրանում է 2026թ. հուլիսի 1-ին։ Նոր համաձայնագիր ստորագրելու բանակցությունները մտել են փակուղի։
Միլանյան գրանդի ավագի ծառայություններով հետաքրքրված է «Յուվենտուսը», որը ցանկանում է ձեռք բերել փորձառու և խարիզմատիկ ֆուտբոլիստներ, որոնք կարող են ամրապնդել ակումբի կազմը։
30-ամյա դարպասապահին իրենց կազմում ցանկանում են տեսնել նաև «Չելսին» ու «Բավարիան»։
Մենյանը «Միլանում» է 2021թ. հուլիսից, 170 խաղից 64-ում դարպասը պահել է անառիկ:
