Նիդերլանդներում տեղի ունեցած Music Moves Europe Awards 2022 մրցանակաբաշխության «Հանդիսատեսի համակրանք» անվանակարգում հաղթել է Ֆրանսիայում ստեղծագործող Ladaniva խումբը. այս մասին տեղեկանում ենք խմբի ֆեյսբուքյան էջից:

Մրցույթում խումբը ներկայացնում էր Հայաստանը։ Խմբի մենակատարն է Ժակլին Բաղդասարյանը։ Փոփ և ժամանակակից երաժշտության այս ամենամյա մրցանակը համաֆինանսավորում է Եվրոպական Միության Ստեղծագործ Եվրոպա ծրագիրը: 

Music Moves Europe Award-ի հաղթողները ստանում են 10․000-ական եվրո: Ժյուրիի գլխավոր մրցանակի հաղթողը շահում է 5․000 եվրո արժողությամբ կանաչ զբոսաշրջային լրացուցիչ կտրոն: Հանդիսատեսի համակրանքի հանրային ընտրության մրցանակի հաղթողը ստանում է 5․000 եվրո մրցանակ: Յուրաքանչյուր թեկնածուի նաև հնարավորություն է տրվում մասնակցել ESNS-ի վերապատրաստման օրվան՝ իրենց գործունեությունը միջազգայնացնելու, հմտությունները զարգացնելու համար։