«Լինկոլն Ռեդ Իմփսն» ամրապնդում է կազմը Հայաստանի չեմպիոն «Նոայի» դեմ խաղից առաջ. Ջիբրալթարի չեմպիոնը հայտարարել է հարձակվող Բուբակար Սադիք Դաբոյի տրանսֆերի մասին:
Սենեգալցին Պիրինեյան թերակղզի է վերադարձել ազատ գործակալի կարգավիճակում: Նախկինում նա խաղացել է Իսպանիայում:
Նրա նախորդ ակումբը ֆարերյան «Ստրեյմուրն» է, որտեղից էլ Դաբոն տեղափոխվել է «Լինկոլն»: Ֆարերյան կղզիներում մրցաշրջանը սկսվել է գարնանը: Այս ընթացքում 27-ամյա ֆուտբոլիստը մասնակցել է 17 խաղի, որոնցում խփել է 7 գոլ ու կատարել 2 ասիստ:
«Լինկոլնը» Դաբոյին արդեն պաշտոնապես ընդգրկել է «Նոայի» դեմ խաղերի հայտացուցակում:
Եվրոպա լիգայի որակավորման երրորդ փուլում «Լինկոլնի» ու «Նոայի» միջև առաջին խաղը կկայանա օգոստոսի 7-ին:
