Իտալական «Լեչեի» ֆիզիոթերապևտ Գրացիանո Ֆիորիտան Բերգամոյի «Ատալանտայի» դեմ Ա Սերիայի 34-րդ տուրի խաղից առաջ հյուրանոցում մահացել է, հաղորդում է ակումբի պաշտոնական կայքը:
Ապրիլի 25-ին նախատեսված խաղը հետաձգվել է: Այն կկայանա ապրիլի 27-ին, մեկնարկը՝ ժամը 22:45-ին:
«Ակումբը խորապես ցնցված է կատարվածից: Թիմը կվերադառնա Լեչե, քանի որ վաղը նախատեսված խաղը հետաձգվել է»,- նշված է ակումբի հաղորդագրությունում:
Ֆիորիտան 20 տարի աշխատել էր «Լեչեում»:
