Շախմատի Հայաստանի հավաքականի նախկին առաջատար, այժմ ԱՄՆ-ն ներկայացնող Լևոն Արոնյանը դարձել է Freestyle Chess Grand Slam Final խոշոր մրցաշարի հաղթող։
Ֆիշերի արագ շախմատի մրցաշարի եզրափակիչում 43-ամյա շախմատիստը 1,5-0,5 հաշվով հաղթել է աշխարհի 16-րդ չեմպիոն, ամենաբարձր վարկանիշն ունեցող Մագնուս Կառլսենին (Նորվեգիա)։
Քառորդ եզրափակիչում հայ շախմատիստը պայքարից դուրս է թողել Հանս Նիմանին (Գերմանիա), իսկ կիսաեզրափակիչում` Վինսենթ Կեյմերին (Գերմանիա)։
Արոնյանը, տիտղոսից բացի, ստացել է նաև 200 հազար ԱՄՆ դոլար պարգևավճար։
Արոնյանը հաղթանակից հետո սոցցանցերում հրապարակում է արել.
«Անչափ ուրախ եմ և հպարտ Հարավային Աֆրիկայում Freestyle Chess Grand Slam Final մրցաշարի հաղթող դառնալու համար։ Ամբողջ տարին հիասքանչ էր։ Ընտանիքս ու երկրպագուները շատ են աջակցել ինձ։ Շնորհակալ եմ բոլորին ինձ հավատալու համար»։
