Լիգա 1-ի 5-րդ տուրի «Մարսել» - ՊՍԺ հանդիպումը կկայանա սեպտեմբերի 22-ին, մեկնարկը` ժամը 22:00-ին, հայտնում է առաջնության մամուլի ծառայությունը։
Հանդիպումը պետք է կայանար սեպտեմբերի 21-ին, սակայն եղանակային անբարենպաստ պայմանների պատճառով հետաձգվել է.
Խաղը կկայանա «Ոսկե գնդակի» մրցանակաբաշխությանը զուգահեռաբար։ «Պարի Սեն-Ժերմենի» մի շարք ֆուտբոլիստներ անհատական գլխավոր մրցանակը հաղթելու ֆավորիտներից են։ Նրանք, մեծ հավակականությամբ, բաց կթողնեն մրցանակաբաշխությունը։
Մրցանակը հաղթելու գլխավոր ֆավորիտներից, ՊՍԺ-ի վինգեր Ուսման Դեմբելեն էլ վնասվածք ունի ու չի մասնակցի «Մարսելի» դեմ դերբիին։
«Ոսկե գնդակի» մրցանակաբաշխությունը սեպտեմբերի 22-ին` ժամը 22:00-ից կցուցադրվի «Ֆասթ Սպորտ»-ով։
Լիգա 1-ի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
