37-ամյա դարպասապահ Ադրիանը պայմանագիր է կնքել «Բետիսի» հետ, հայտնում է իսպանական ակումբի պաշտոնական կայքը:
Իսպանացին անդալուզյան ակումբի հետ կնքել է 2 տարվա պայմանագիր: Ադրիանը «Բետիսի» սան է, որտեղ խաղացել է 2008-2013 թվականներին, որից հետո տեղափոխվել է Անգլիայի Պրեմիեր լիգա՝ պաշտպանելով «Վեսթ Հեմի» և «Լիվերպուլի» գույները: Մերսիսայդյան ակումբի կազմում Ադրիանը դարձել է Անգլիայի չեմպիոն, գավաթակիր, ՈՒԵՖԱ-ի սուպերգավաթակիր:
Ընդհանուր առմամբ դարպասապահն Անգլիայի Պրեմիեր լիգայում մասնակցել է 139 հանդիպման, բաց է թողել 186 գնդակ և 39 խաղում սեփական դարպասը պահել անառիկ:
