«Լիվերպուլի» կիսապաշտպան Տայլեր Մորթոնը տեղափոխվել է «Լիոն», հաղորդում է մերսիսայդյան ակումբի պաշտոնական կայքը։

Կողմերը 5 տարվա պայմանագիր են ստորագրել։

Ինսայդեր Ֆաբրիցիո Ռոմանոն գրում է, որ ֆրանսիական ակումբը 22-ամյա ֆուտբոլիստի տրանսֆերի համար վճարել է 15 միլիոն ֆունտ։

«Լիվերպուլն» անգլիացի կիսապաշտպանի հաջորդ տրանսֆերից կստանա 20 տոկոս մասնաբաժին։

Մորթոնը «Լիվերպուլի» համակարգում էր 2019թ. հուլիսից և ակումբի հիմնական թիմում 14 խաղում 1 ասիստ է կատարել։