«Լիվերպուլը» շարունակում է աշխատել «Լեյպցիգի» հարձակվող Տիմո Վերների տեղափոխությունն իրականացնելու ուղղությամբ: Բանակցությունները դրական ընթացք ունեն: Մերսիսայդյան ակումբը մտադիր է առաջիկա օրերին համաձայնության հասնել գործարքի շուրջ: Այս մասին թվիթերյան իր էջում գրել է լրագրող Նիկոլո Սկիրան:
Գերմանացի ֆուտբոլիստը վճռական է տրամադրված առաջիկա տրանսֆերային պատուհանի ժամանակ ակումբային գրանցումը փոխելու հարցում: «Լիվերպուլ» տեղափոխվելու տարբերակն առաջնային է մնում նրա համար:
Վերները 2016 թվականից է հանդես գալիս «Լեյպցիգում»: Նա ավելի վաղ 3 տարի պաշտպանել է «Շտուտգարտի» մարզական պատիվը: Խաղացողի պայմանագիրը ներկայիս ակումբի հետ ուժի մեջ է մինչև 2023 թվականի հունիսի 30-ը: 24-ամյա ֆուտբոլիստի տրանսֆերային արժեքը գնահատվում է 64 մլն եվրո:
Հարձակվողն ընթացիկ մրցաշրջանում մասնակցել է Գերմանիայի Բունդեսլիգայի 28, Չեմպիոնների լիգայի գավաթի խաղարկության 8 և Գերմանիայի գավաթի խաղարկության 3 հանդիպման՝ իր ակտիվում գրանցելով 30 գոլ ու 12 արդյունավետ փոխանցում:
Տիմո Վերները «Բարսելոնայի» պահուստային տարբերակն է, եթե Լաուտարո Մարտինեսի տրանսֆերը ձախողվի
