«Լիվերպուլը» երկարաձգել է պայմանագրի ժամկետը թիմի ավագ Ջորդան Հենդերսոնի հետ՝ հաղորդում է ակումբի պաշտոնական կայքը:
Նոր պայմանագրով՝ ֆուտբոլիստը մերսիսայդյան ակումբում հանդես կգա մինչև 2025 թվականի հունիսի 30-ը:
«Այն պահից սկսած, երբ առաջին անգամ այստեղ եկա, վայելում եմ կյանքը: Ես շատ բան եմ սովորել այստեղ անցկացրած ժամանակահատվածում ու դրա համար պետք է շնորհակալություն հայտնեմ մարդկանց:
Այս ընթացքը շարունակելը հիանալի է: Հուսով եմ՝ ակումբն ու երկրպագուները նույն զգացողություններն ունեն»,- ասել է Հենդերսոնը:
