Իտալական «Կոմոյի» հարձակվող Ասանե Դիաոն կարող է կարիերան շարունակել «Լիվերպուլում», գրում է Caught Offside-ը

Մերսիսայդյան գրանդը 19-ամյա ֆուտբոլիստին դիտարկում է` որպես ակումբի վինգեր Մոհամեդ Սալահին փոխարինողի։ Իսպանիայի Մ19 հավաքականի վինգերի ծառայություններով հետաքրքրված է նաև «Նյուքասլը»։

Դիաոն հունվարին է 12 միլիոն եվրոյով անդալուզյան «Բետիսից» տեղափոխվել «Կոմո»։ Նոր ակումբում երիտասարդ ֆուտբոլիստը 8 խաղում 5 գոլ է խփել։

«Լիվերպուլի» ու Սալահի պայմանագրի ժամկետը լրանում է այս տարվա հուլիսի 1-ին։ Եգիպտոսցի ֆուտբոլիստը նոր համաձայնագրի վերաբերյալ դեռ չի բանակցում անգլիական ակումբի հետ։