«Լիվերպուլը» շարունակում է ակտիվություն ցուցաբերել տրանսֆերային շուկայում. անգլիական ակումբը կփորձի ձեռք բերել կենտրոնական հարձակվող, գրում է Goal-ը:
Ֆլորիան Վիրցի տրանսֆերը ձևակերպելուց հետո մերսիսայդյան ակումբը «Նյուքասլի» հարձակվող Ալեքսանդր Իսակին ձեռք բերելու քայլեր կկատարի: Շվեդ հարձակվողի համար «Կաչաղակների» ղեկավարությունը կպահանջի նվազագույնը 100 միլիոն ֆունտ:
Իսակը 2024/25 մրցաշրջանում բոլոր մրցաշարերում խփել էր 27 գոլ: Նրա պայմանագրի ժամկետը «Նյուքասլի» հետ նախատեսված է մինչև 2028 թվականի ամառը:
