Logo

Լորիս Կարիուսը տեղափոխվում է «Նյուքասլ»

Հեղինակ
Վարդան Ղազարյան
20:27 / 08.09.2022• ՍՊՈՐՏ
null

Անգլիական «Լիվերպուլի» նախկին դարպասապահ Լորիս Կարիուսը նոր թիմ է գտել, հայտնում է The Guardian-ը։

29-ամյա դարպասապահը կարիերան կշարունակի «Նյուքասլում»։ Նա արդեն ժամանել է Անգլիա և շուտով բուժզննում կանցնի։

«Կաչաղակները» կարճաժամկետ պայմանագիր կկնքեն գերմանացու հետ։ Թիմում նա կփոխարինի պահեստային դարպասապահ Կարլ Դարլոուին, որը վնասվածք է ստացել։

Հիշեցնենք, որ ամռանը «Նյուքասլից» «Մանչեսթեր Յունայթեդ» տեղափոխվեց սլովակ դարպասապահ Մարտին Դուբրավկան։

Թիմի հիմնական դարպասապահն այս մրցաշրջանում Նիկ Պոուպն է, որը Անգլիայի Պրեմիեր լիգայի 6 խաղի է մասնակցել։

Կարիուսը «Լիվերպուլից» հեռացել է այս տարվա հունիսին և այդ օրվանից առանց թիմի է։ Նախորդ մրցաշրջանում նա վարձավճարով խաղացել էր «Ունիոն Բեռլինում»։

Մեզ կարող եք հետևել նաև Telegram-ում
fastnews-ads-banner

Հարցում

TV Ալիք

    Աղյուսակներ