Վանաձորի «Լոռիի» և Fastex Հայաստանի Պրեմիեր լիգայի 2022/2023 մրցաշրջանի բրոնզե մեդալակիր «Արարատ-Արմենիայի» նախկին գլխավոր մարզիչ Դավիդ Կամպանյան գլխավորել է իսպանական «Սևիլիայի» երիտասարդական թիմը, հայտնում է ակումբի պաշտոնական կայքը:

Իսպանացի 49-ամյա մասնագետի պայմանագիրը նախատեսված է մինչև 2024 թվականի հունիսի 30-ը:

Հիշեցնենք, որ Կամպանյան «Լոռին» գլխավորել էր 2019-2020 թվականներին, իսկ «Արարատ-Արմենիան» մարզել էր 2020/2021 մրցաշրջանում: