Ամերիկյան «Լոս Անջելես» ակումբը նվաճել է աշխարհի ակումբային առաջնության վերջին ուղեգիրը՝ վճռորոշ խաղում 2-1 հաշվով հաղթելով մեքսիկական «Ամերիկային»:
115-րդ րոպեին հաղթական գոլը խփել է «Լոս Անջելեսի» հարձակվող Դենիս Բուանգան ֆրանսիացի լեգենդար ֆուտբոլիստ Օլիվյե Ժիրուի ասիստից հետո:
Ամերիկյան ակումբը տնային մրցաշարում հանդես կգա D խմբում, որտեղ կմրցի Լոնդոնի «Չելսիի», բրազիլական «Ֆլամենգոյի» և թունիսյան «Էսպերանսի» դեմ։ Նրանց առաջին խաղը կկայանա հունիսի 16-ին, ամերիկյան թիմը կխաղա «Չելսիի» դեմ:
