Sky-ի փորձագետ Լոթար Մաթեուսը հետաքրքիր բացահայտում է արել «Բայերի» կիսապաշտպան Ֆլորիան Վիրցի ապագայի վերաբերյալ.
«Երբ թիմում ունես Մուսիալա ու Վիրց, ապա կարող ես բաց թողնել Մյուլերին: Թոմասը չի մնա Մյունխենում, քանի որ «Բավարիան» շատ մոտ է Վիրցի հետ պայմանագիր կնքելուն:
Ուլի Հյոնեսը սովորաբար իրականություն է դարձնում այն, ինչ ցանկանում է», - «Ռեկորդմեյստերի» լեգենդի խոսքը մեջբերում է Մաքսիմիլիան Կոխը:
Հիշեցնենք, որ «Բավարիան» որոշել է նոր պայմանագրի շուրջ չբանակցել Մյուլերի հետ: 35-ամյա կիսապաշտպանը մրցաշրջանի ավարտից հետո կհեռանա ակումբից:
