Ամերիկյան «Դալաս Մավերիքսի» սլովենացի բասկետբոլիստ Լուկա Դոնչիչը նվեր է ստացել Մադրիդի «Ռեալ» ֆուտբոլային ակումբից:

Դոնչիչն «Արքայական ակումբի» «73» համարի անվանական մարզաշապիկ է նվեր ստացել, 24-ամյա բասկետբոլիստը լուսանկարներ է հրապարակել սոցցանցերում: Մարզաշապիկի վրա ստորագրել են «Ռեալի» ֆուտբոլիստները:

Մինչև NBA տեղափոխվելը Դոնչիչը հանդես էր եկել Մադրիդի «Ռեալի» բասկետբոլային թիմում: 2017/18 մրցաշրջանում սլովենացին մադրիդյան գրանդին օգնել էր հաղթել Եվրալիգայում, ճանաչվել էր կանոնավոր առաջնության և «Չորսի եզրափակիչի» MVP։