Հայաստանի ազգային հավաքականի ֆուտբոլիստ Լուկաս Սելարայանը «Բելգրանոյում» անցկացրել է 100-րդ հանդիպումը:
Արգենտինայի առաջնության 7-րդ տուրում «Բելգրանոն» մրցակցի դաշտում 1-2 հաշվով պարտվել է «Դեֆենսային»: 33-ամյա Սելարայանը մասնակցել է ամբողջ խաղին:
«Բելգրանոն» Արգենտինայի առաջնության A ենթախմբի մրցաշարային աղյուսակում 7 խաղից հետո 8 միավորով 15 թիմերի մեջ զբաղեցնում է 12-րդ տեղը: Հարձակվողն ընթացիկ մրցաշրջանում 1-ական գոլ է խփել Արգենտինայի առաջնությունում և գավաթի խաղարկությունում:
Ավելի վաղ հայտնի էր դարձել, որ Լուկաս Սելարայանը Հայաստանի ազգային հավաքականի մարզական հավաքին կմիանա սեպտեմբերի 3-ին:
