Հայաստանի ազգային հավաքականի հարձակվող Լուկաս Սելարայանը ժամանել է Սաուդյան Արաբիա և միացել «Ալ Ֆատեհ» ակումբին, հաղորդում է ակումբի մամուլի ծառայությունը։
31-ամյա ֆուտբոլիստն օրեր առաջ էր հեռացել ՄԼՍ-ը ներկայացնող ամերիկյան «Քոլամբուս Քրյուից» ու երեք տարվա պայմանագիր կնքել «Ալ Ֆատեհի» հետ, որը Սաուդյան Արաբիայի նախորդ առաջնությունում գրավել է 6-րդ տեղը։
A+ Player 🔥
— AlFateh Saudi club (@EnFatehclub) August 6, 2023
Lucas Zelarayán 👋🏻🤩
A R R I V E D 📍🇸🇦 pic.twitter.com/QaPZ5mHpzD
Հիշեցնենք, որ Լուկաս Սելարայանը 2020 թվականի հունվարին էր միացել «Քոլամբուս Քրյուին», որի կազմում անցկացրած 107 խաղում խփել է 42 գոլ ու կատարել 23 գոլային փոխանցում: Կարիերայի ընթացքում նա ելույթ է ունեցել նաև մեքսիկական «Տիգրես Ունալում» (2016-2019թթ.) ու արգենտինական «Բելգրանոյում» (2012-2015թթ.): Transfermarkt-ը նրա տրանսֆերային արժեքը գնահատում է 7 միլիոն եվրո:
Հարձակվողը Հայաստանի հավաքականում նորամուտը նշել է 2021 թվականի հոկտեմբերին: Նա ազգային թիմի կազմում մասնակցել է 9 հանդիպման ու դարձել 2 գոլի հեղինակ՝ դուբլ ձևակերպելով Ուելսի հավաքականի դեմ Եվրո-2024-ի ընտրական մրցաշարի երրորդ տուրի արտագնա խաղում (4-2):
