Անգլիայի չեմպիոն «Մանչեսթեր Սիթիի» ալժիրցի եզրային հարձակվող Ռիյադ Մահրեզն առաջիկա մեկ օրվա ընթացքում բուժզննում կանցնի Սաուդյան Արաբիան ներկայացնող «Ալ Ահլի» ակումբում: Այդ մասին սոցցանցերում հայտնել է հեղինակավոր ֆուտբոլային ինսայդեր Ֆաբրիցիո Ռոմանոն:
32-ամյա ֆուտբոլիստն ու արաբական ակումբը կստորագրեն չորս տարվա պայմանագիր: «Ալ Ահլին» տրանսֆերի համար կվճարի 35 միլիոն եվրո:
Հիշեցնենք, որ Մահրեզը 2018 թվականի հուլիսից է խաղում Չեմպիոնների լիգայի նորընծա գավաթակրի կազմում:
