«Ատալանտայի» կիսապաշտպան Ռուսլան Մալինովսկի կարծիք է հայտնել «Ռոմայի» ու Հայաստանի հավաքականի առաջատար Հենրիխ Մխիթարյանի մասին։
«Մեծագույն ֆուտբոլիստ և մեծագույն մարդ։ Ուրախ էի կրկին հանդիպել քեզ։ Հաջողություն եմ մաղթում հետագա խաղերում»,-ինստագրամյան իր էջում գրել է ուկրաինացին։
Մխիթարյանի՝ Դոնեցկի «Շախտյորում» հանդես գալու ժամանակ Մալինովսկին ընդգրկված է եղել ակումբի ակադեմիայում։
Ա սերիայի 13-րդ տուրի խաղում «Ատալանտան» 4։1 հաշվով հաղթեց «Ռոմային»։ Հայ և ուկրաինացի ֆուտբոլիստներն իրենց թիմերի մեկնարկային կազմերում էին։
