«Մանչեսթեր Յունայթեդի» մի քանի ֆուտբոլիստներ պատրաստ են ամռանը լքել ակումբը՝ հաղորդում է լրագրող Նիկոլո Սկիրան։
Ըստ աղբյուրի՝ խոսքը Պոլ Պոգբայի, Էդինսոն Կավանիի, Ջեսի Լինգարդի ու Խուան Մատայի մասին է։ Ֆուտբոլիստները չեն պատրաստվում նոր պայմանագրեր կնքել «Մանչեսթեր Յունայթեդի» հետ և ցանկանում են ազատ գործակալի կարգավիճակով հեռանալ անգլիական ակումբից։
Ավելի վաղ հաղորդվում էր, որ Պոգբան կարող է վերադառնալ «Յուվենտուս»։ Իտալական ակումբը ֆրանսիացուն տարեկան 9 մլն եվրո աշխատավարձ է առաջարկում։
Կավանիով մի քանի իսպանական ակումբներ են հետաքրքրված։
«Մանչեսթեր Յունայթեդը» 29 տուրերից հետո վաստակել է 50 միավոր և զբաղեցնում է Պրեմիեր լիգայի մրցաշարային աղյուսակի 5-րդ հորիզոնականը։
