«Մանչեսթեր Սիթին» «Լիոնի» կիսապաշտպան Ռայան Շերկիի հետ համաձայնեցրել է անձնական պայմանագրի բոլոր կետերը, հայտնում է Ֆաբրիցիո Ռոմանոն:
Առաջիկա օրերին անգլիական գրանդը պաշտոնական առաջարկով կդիմի «Լիոնին»՝ գործարքն ավարտին հասցնելու համար: Մանկունիական ակումբը Շերկիին դիտարկում է՝ որպես Կևին Դե Բրույնեին փոխարինողի: Ֆրանսիացին, ըստ ամենայնի, կխաղա «10 համարի» դիրքում:
«Մանչեսթեր Սիթիի» հաջորդ տրանսֆերային թիրախը «Վուլվերհեմփթոնի» ձախ պաշտպան Ռայան Աիտ-Նուրին է:
2024/25 մրցաշրջանում Շերկին մասնակցել է «Լիոնի» 44 հանդիպման, խփել 12 գոլ, կատարել 20 ասիստ:
