Անգլիայի առաջնության 22-րդ տուրում «Մանչեսթեր Յունայթեդը» սեփական խաղադաշտում 2-1 հաշվով առավելության հասավ «Քրիսթալ Փելասի» նկատմամբ:
Պորտուգալացի կիսապաշտպան Բրունու Ֆերնանդեշի ու անգլիացի հարձակվող Մարկուս Ռեշֆորդի գոլերին մեկ գնդակով պատասխանեց գանացի կիսապաշտպան Ջեֆ Շլուպը:
Հանդիպման 70-րդ րոպեին խաղադաշտից հեռացվեց տանտերերի բրազիլացի կիսապաշտպան Կազեմիրոն:
«Մանչեսթեր Յունայթեդը» 42 միավորով երրորդն է, իսկ «Քրիսթալ Փելասը»՝ 24 միավորով 12-րդը:
Տուրի մյուս խաղում «Լիվերպուլը» հյուրընկալվելիս 0-3 հաշվով պարտվեց «Վուլվերհեմփթոնին»:
Տանտերերի կազմում գոլեր հեղինակեցին անգլիացի Քրեյգ Դոուսոնն ու պորտուգալացի կիսապաշտպան Ռուբեն Նևեշը: Մեկ անգամ էլ գնդակը սեփական դարպասն ուղարկեց կամերունցի պաշտպան Ժոել Մատիպը:
Անգլիայի առաջնություն, 22-րդ տուր
«Մանչեսթեր Յունայթեդ» - «Քրիսթալ Փելաս»՝ 2-1
Բրունու Ֆերնանդեշ, 7, Մարկուս Ռեշֆորդ, 62 - Ջեֆ Շլուպ, 76
Հեռացում՝ Կազեմիրո, 70 («Մանչեսթեր Յունայթեդ»)
«Վուլվերհեմփթոն» - «Լիվերպուլ»՝ 3-0
Ժոել Մատիպ, 5 (ինքնագոլ), Քրեյգ Դոուսոն, 12, Ռուբեն Նևեշ, 71
ԱՅԼ ԱՐԴՅՈՒՆՔՆԵՐ
«Ասթոն Վիլա» - «Լեսթեր»՝ 2-4
«Բրենթֆորդ» - «Սաութհեմփթոն»՝ 3-0
«Բրայթոն» - «Բորնմութ»՝ 1-0
