Անգլիական «Մանչեսթեր Յունայթեդը» պատրաստ է վճարել Լիսաբոնի «Բենֆիկայի» արգենտինացի կիսապաշտպան Էնցո Ֆերնանդեսի հրաժարագինը, որը կազմում է 120 միլիոն եվրո, հայտնում է լրագրող Բրունու Անդրադեն:
Մանչեսթերյան ակումբի ղեկավարությանն ու մարզչական շտաբին տպավորել է 21-ամյա ֆուտբոլիստի խաղը Կատարում ավարտված աշխարհի առաջնությունում, որտեղ ճանաչվել էր լավագույն երիտասարդ խաղացող։
Աշխարհի նորընծա չեմպիոնի ծառայություններով լրջորեն հետաքրքրված է նաև Անգլիայի փոխչեմպիոն «Լիվերպուլը»:
Հիշեցնենք, որ ԱԱ-2022-ում Էնցո Ֆերնանդեսը մասնակցել էր Արգենտինայի հավաքականի բոլոր՝ 7 խաղերին՝ դառնալով 1 գոլի և նույքան գոլային փոխանցման հեղինակ:
Արգենտինայի հավաքականը եզրափակիչում 11-մետրանոցներով հաղթել էր ֆրանսիացիներին ու հռչակվել աշխարհի եռակի չեմպիոն:
