«Միլանի» հարձակվող Մարիո Մանջուկիչը հայտարարել է ակումբից հեռանալու մասին։ Նա 6 ամիս առաջ էր տեղափոխվել «ռոսոներիների» շարքեր՝ պայմանագիր կնքելով մինչև մրցաշրջանի ավարտը։
«Պատիվ էր «Միլանի» կազմում խաղալը։ Ես շնորհակալ եմ ակումբի ղեկավարությանը ինձ այս հնարավորությունը տալու համար։ Շնորհակալ եմ ակումբի մարզչական անձնակազմին նրանց նվիրված աշխատանքի համար, շնորհակալ եմ խաղընկերներիս, որոնք բացի գերազանց խաղացողներ լինելուց նաև հիանալի մարդիկ են։
Ես ուրախ եմ, որ կարողացանք այս մեծ ակումբին վերադարձնել Չեմպիոնների լիգա։ Ես ակումբում բոլորին լավագույնն եմ մաղթում ապագայում»,-գրել է Մանջուկիչը Instagram-ի իր էջում։
