Մանուել Նոյերը պատրաստ է շարունակել ելույթները Գերմանիայի հավաքականում, հայտնում է Kicker-ը: 

Մյունխենի «Բավարիայի» 38-ամյա դարպասապահի ապագան ազգային թիմում կասկածի տակ էր Եվրո-2024-ի քառորդ եզրափակիչում Իսպանիայի հավաքականից կրած պարտությունից հետո: Հաղորդվում է, որ Մանուել Նոյերը մտադիր է մասնակցել Մունդիալ-2026-ին:

Հիշեցնենք, որ Մանուել Նոյերը Եվրո-2024-ի բոլոր 5 հանդիպումներում եղել է մեկնարկային կազմում: Նա 2009 թվականից է խաղում Բունդեսթիմում, որի կազմում անցկացրել է 123 հանդիպում, իսկ 2014-ին դարձել է աշխարհի չեմպիոն։