MMA-ի մարտիկ Քոնոր Մաքգրեգորը որոշել է իր թեկնածությունը չառաջադրել Իռլանդիայի նախագահական ընտրություններում, գրել է իռլանդացին:
«Երկար մտածելուց ու ընտանիքիս հետ քննարկելուց հետո հանել եմ իմ թեկնածությունը նախագահական ընտրություններից: Բարդ որոշում էր, բայց այս պահին այն միակ ճիշտն է:
Այս քարոզարշավը կարևոր քննարկումների առիթ դարձավ Իռլանդիայում ժողովրդավարության վերաբերյալ՝ ո՛վ կարող է առաջադրվել, ո՛վ կարող է քվեարկել և ինչպե՛ս անել, որ նախագահական աթոռն իսկապես պատկանի ժողովրդին։ Այդ քննարկումները չեն ավարտվի։ Փոփոխությունների ալիքը սկսվել է և այն անհնար է կանգնեցնել»,- գրել է UFC-ի նախկին չեմպիոնը:
Մաքգրեգորն Իռլանդիայի նախագահ դառնալու մտադրության մասին հայտնել էր սեպտեմբերի 4-ին:
