55 տարի անց Իսպանիայի Լա լիգայի մրցավարները ներկայացվել են անուն-ազգանունով, հաղորդում է Marca-ն:
Իսպանիայի մրցավարների տեխնիկական կոմիտեն (CTA)՝ նոր նախագահ Ֆրան Սոտոյի գլխավորությամբ, հայտարարել է, որ Լա լիգայի մրցավարներին այժմ կդիմեն անուն-ազգանունով, ոչ թե երկու ազգանուններով։ Մինչև այժմ մրցավարներին դիմում էին երկու ազգանուններով, օրինակ՝ Սոտո Գրադո, Էռնանդես Էռնանդես, Սանչես Մարտինես, բայց այժմ նրանք կվերադառնան իրենց անուն-ազգանունին։
55 տարի առաջ բռնապետ Ֆրանցիսկո Ֆրանկոյի կարգադրությամբ էր Իսպանիայի մրցավարների տեխնիկական կոմիտեն (CTA) որոշել մտցնել այդ կանոնը, որ մրցավարները ներկայացվեն երկու ազգանուններով: 1969 թվականին մրցավար Անխել Ֆրանկո Մարտինեսն իր առաջին խաղը սպասարկելուց հետո քննադատության էր ենթարկվել, դա դուր չէր եկել Իսպանիայի առաջնորդ Ֆրանկոյին: Քանի որ նրանց երկուսի անունն էլ Ֆրանկո էր, այդ միջադեպից հետո բռնապետի կարգադրությամբ որոշում էր կայացվել հանել մրցավարներին անուն-ազգանունով ներկայացնելու կանոնը:
Քիչ հետո մեկնարկող Լա լիգայի նոր մրցաշրջանի համար հաստատվել է այսպիսի մրցավարական կազմ`
- Խեսուս Խիլ (Խիլ Մանսանո)
- Սեզար Սոտո (Սոտո Գրադո)
- Մատեո Բուսկետս (Բուսկետս Ֆերեր)
- Խավիեր Ալբերոլա (Ալբերոլա Ռոխաս)
- Ռիկարդո դե Բուրգոս (դե Բուրգոս Բենգոեչեա)
- Ալեխանդրո Խոսե Էռնանդես (Էռնանդես Էռնանդես)
- Ալեխանդրո Մունիս (Մունիս Ռուիս)
- Խոսե Լուիս Մունուերա (Մունուերա Մոնտերո)
- Խոսե Մարիա Սանչես (Սանչես Մարտինես)
- Ադրիան Կորդերո (Կորդերո Վեգա)
- Գիլերմո Կուադրա (Կուադրա Ֆեռնանդես)
- Իսիդրո Դիաս դե Մերա (Դիաս դե Մերա Էսկուդերոս)
- Իոսու Գալեչ (Գալեչ Ապեստեգուիա)
- Վիկտոր Գարսիա (Գարսիա Վերդուրա)
- Խոսե Լուիս Գուզման (Գուզման Մանսիլյա)
- Ֆրանցիսկո Էռնանդես (Էռնանդես Մաեսո)
- Խուան Մարտինես (Մարտինես Մունուերա)
- Միգել Անխել Օրտիս (Օրտիս Արիաս)
- Ալեխանդրո Կինտերո (Կինտերո Գոնսալես)
- Միգել Սեսմա (Սեսմա Էսպինոսա):
