Կատալոնական «Բարսելոնան» Լա լիգայի համար դեռևս չի գրանցել դարպասապահ Վոյցեխ Շչեսնիին, պաշտպան Ժերար Մարտինին և թիմի նորեկ, անգլիացի հարձակվող Մարկուս Ռեշֆորդին, հաղորդում է Marca-ն:
Նրանք բաց կթողնեն «Մալյորկայի» դեմ օգոստոսի 16-ին կայանալիք առաջին տուրի խաղը: Դեռևս պարզ չէ՝ հաջորդ տուրերի համար Իսպանիայի չեմպիոնը կկարողանա՞ նրանց գրանցել, թե՞ ոչ:
«Բարսելոնայի» դարպասապահներից Մարկ-Անդրե տեր Շտեգենն էլ մեջքի վիրահատության ենթարկվելուց հետո առնվազն երեք ամիս չի օգնի իր թիմին: Կատալոնական գրանդի դարպասն առաջիկա խաղում կպաշտպանի թիմի նորեկ, իսպանացի Ժոան Գարսիան:
