Ֆրանսիայի Լիգա 1-ի չորրորդ տուրը մեկնարկեց «Մարսելի» ջախջախիչ հաղթանակով:

Ռոբերտո դե Ձերբիի գլխավորած թիմը տանը 4-0 հաշվով հաղթեց «Լորյանին»: Գոլերից մեկը խփեց ֆրանսիացի պաշտպան Բենժամեն Պավարը, որը նորամուտը նշեց «Մարսելի» կազմում:

«Մարսելը» 6 միավորով բարձրացավ չորրորդ տեղ, «Լորյանը» երեք միավորով 16-րդն է:

Ֆրանսիայի Լիգա 1, չորրորդ տուր

«Մարսել» - «Լորյան»` 4-0

Մեյսոն Գրինվուդ, 13 (11մ), Բենժամեն Պավար, 20, նխել Գոմես, 33, Նայեֆ Ագերդ, 90+3

Հեռացում` Դարլին Յոնգուա, 10 («Լորյան»)

Լիգա 1-ի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):