Արգենտինացի մասնագետ Մաթիաս Ալմեյդան գլխավորել է իսպանական «Սևիլիան», հաղորդում է ակումբի մամուլի ծառայությունը:
51-ամյա մասնագետի հետ ստորագրվել է երեք տարվա պայմանագիր, որի ժամկետը կսպառվի 2028 թվականի հուլիսի 1-ին:
Ալմեյդան նախկինում գլխավորել էր արգենտինական «Ռիվեր Փլեյթը», «Բանֆիլդը», մեքսիկական «Չիվասը», հունական ԱԵԿ-ը և այլ թիմեր:
Ալմեյդան մարզական կարիերայի ընթացքում` 1996/1997 մրցաշրջանում, խաղացել էր «Սևիլիայում»:
Հիշեցնենք, որ 2024/2025 մրցաշրջանի վերջնամասում «Սևիլիայի» ղեկին էր վերադարձել Հայաստանի ազգային հավաքականի նախկին գլխավոր մարզիչ Խոակին Կապառոսը:
