Նեմանյա Մատիչը կխաղա «Սասուոլոյում», գրում է ինսայդեր Ֆաբրիցիո Ռոմանոն:
Սերբ կիսապաշտպանն ազատ գործակալի կարգավիճակում 1 տարվա պայմանագիր է համաձայնեցրել իտալական ակումբի հետ, որը նախորդ մրցաշրջանում առանց լուրջ մրցակցության հաղթեց Բ Սերիան և վերադարձավ ուժեղագույնների շարք:
37-ամյա ֆուտբոլիստը հետագայում հնարավորություն կունենա երկարաձգելու պայմանագրի ժամկետը մինչև 2027 թվականի ամառը:
Մատիչը հանդես է եկել բազմաթիվ անվանի թիմերում, իսկ նրա վերջին ակումբը եղել է «Լիոնը»:
