Ֆրանսիայի ազգային հավաքականի հարձակվող Կիլիան Մբապեն պրոֆեսիոնալ կարիերայում հատեց 400 գոլի սահմանը:
Աշխարհի 2026 թվականի առաջնության եվրոպական գոտու ընտրական մրցաշարում ֆրանսիացիները 4-0 հաշվով հաղթեցին Ուկրաինային և նվաճեցին եզրափակիչ փուլի ուղեգիր: Մադրիդի «Ռեալի» հարձակվողը դուբլ գրանցեց:
Մբապեն Պելեից հետո դարձավ երկրորդ ֆուտբոլիստը, որը նախքան 27 տարեկան դառնալը 400 գոլ է խփել պրոֆեսիոնալ կարիերայի ընթացքում: Դրանից բացի, 26-ամյա հարձակվողը 1991 թվականից ի վեր դարձավ առաջին ֆրանսիացին, որն ազգային թիմի 6 անընդմեջ խաղում աչքի է ընկել դարպասի գրավմամբ:
ԱԱ-2026-ի եվրոպական գոտու ընտրական մրցաշարի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
