Փարիզի ՊՍԺ-ի ֆրանսիացի հարձակվող Կիլիան Մբապեն վնասվածքի պատճառով կարող է բաց թողնել Մյունխենի «Բավարիայի» դեմ Չեմպիոնների լիգայի 1/8 եզրափակիչի առաջին հանդիպումը, հայտնում է L’Equipe-ը:
24-ամյա ֆուտբոլիստը վնասվածք էր ստացել «Մոնպելյեի» դեմ Ֆրանսիայի առաջնության 21-րդ տուրի արտագնա խաղում (3-1): Մբապեն կանցնի բուժզննում, որից հետո հայտնի կդառնան ապաքինման ժամկետը։
Ավելի վաղ ՊՍԺ-ի գլխավոր մարզիչ Քրիստոֆ Գալտյեն հայտնել էր, որ Ֆրանսիայի հավաքականի առաջատարի վնասվածքը դժվար թե լուրջ լինի:
Հիշեցնենք, որ ՊՍԺ - «Բավարիա» դիմակայության առաջին խաղը տեղի կունենա փետրվարի 14-ին Փարիզի «Պարկ դե Պրենս» ստադիոնում:
