Դերասան, ռեժիսոր Մել Գիբսոնը պատրաստվում է այս գարնանը սկսել «Քրիստոսի չարչարանքները» ֆիլմի շարունակության նկարահանումները, հայտնում է kinopoisk.ru-ն:

Ջեյմս Քևիզելը, որը 2004 թվականի ֆիլմում մարմնավորել է Քրիստոսին, կվերադառնա իր դերին։

«Հարություն» վերնագրով շարունակությունը մշակվում է մոտ 10 տարի։ Գիբսոնին հաջողվել է այս ընթացքում գրել սցենարի վեց սևագիր՝ Ռենդալ Ուոլեսի հետ միասին («Քաջ սիրտ»)։

Ֆիլմի իրադարձությունները կընդգրկեն Քրիստոսի խաչելության և հարության միջև ընկած երեք օրերը։