Հայաստանի ազգային հավաքականի գլխավոր մարզիչ Եղիշե Մելիքյանն Իռլանդիայի թիմի դեմ աշխարհի 2026թ. առաջնության եվրոպական գոտու ընտրական մրցաշարի հաղթական (2-1) խաղից հետո կայացած մամուլի ասուլիսում պատասխանել է լրագրողների հարցերին։
«Այսօրվա մեր պլանը հաղթելն էր։ Գիտեինք, որ Ռանոսը խաղային պրակտիկայի խնդիր ունի։ Գոլային պահերի իրացումն ամենաբարդ հարցն է։ Ամեն պահը չենք կարող իրացնել։ Ամեն դեպքում, գոհ եմ, չեմ ուզում մտածել այն գոլերի մասին, որոնք չենք խփել։
0-5 հաշվով պարտությունից հետո այստեղ էի, և իմ տրամադրությունը շատ վատ չէր, ու նաև դրական էի տրամադրված։ Ես գլխավոր մարզիչն եմ ու առաջատարը, թիմի ոգին։ Բոլորս տխուր էինք։ Եթե կան մարդիկ, որոնք մտածում էին, թե ես տխուր չէի, հավատացեք` մի քանի գիշեր չեմ քնել` տխրությունն ուրախության վերածելու համար։
Մի՛ նեղացրեք մեզ, այլ հավատացե՛ք։ Միասնական լինենք, ու ամեն ինչ լավ կլինի։ Հանդերձարանում ասացի, որ մեր ազգը հաղթանակի կարիք ունի»,- ասել է Հայաստանի հավաքականի գլխավոր մարզիչը։
Մանրամասները` տեսանյութում
Կարդացեք նաև՝
- ԱԱ-2026-ի որակավորում. Հայաստանի հավաքականը հաղթեց Իռլանդիային
- Հայաստանի հավաքականի հաղթական գոլերի տեսանյութը
- Էդուարդ Սպերցյանի ցուցանիշը զիջում է միայն Հենրիխ Մխիթարյանին
- Կամո Հովհաննիսյանը Հայաստանի ազգային հավաքականում 90-րդ խաղի հոբելյանը նշեց
- Հայաստան - Իռլանդիա հանդիպումը` FastNews-ի ֆոտոշարքում
