«Ոսկե գնդակի» 8-ակի դափնեկիր Լիոնել Մեսին Ballon d'Or-ի մամուլի ծառայությանը տված հարցազրույցում վերհիշել է պորտուգալացի լեգենդար հարձակվող Կրիշտիանու Ռոնալդուի հետ մրցակցության տարիները:
«Դա մշտական պայքար էր: Սպորտային առումով շատ գեղեցիկ էր: Մենք միմյանց մղում էինք ավելի լավը դառնալուն, քանի որ երկուսս էլ չափազանց մրցունակ էինք: Նա միշտ ուզում էր հաղթել ամեն ինչ, ես՝ ևս: Դա գեղեցիկ ժամանակ էր մեզ և ֆուտբոլ սիրող մարդկանց համար»,- ասել է ամերիկյան «Ինտեր Մայամիի» և Արգենտինայի ազգային հավաքականի լեգենդար հարձակվողը:
Հիշեցնենք, որ նրանց միջև մրցակցությունը սկսվել է 2008 թվականին, երբ Ռոնալդուն` որպես անգլիական «Մանչեսթեր Յունայթեդի» ֆուտբոլիստ, նվաճել է իր առաջին «Ոսկե գնդակը»` առաջ անցնելով Մեսիից: Հաջորդ չորս տարիներին Մեսին է նվաճել աշխարհի լավագույն ֆուտբոլիստի մրցանակը: Պորտուգալացու և արգենտինացու մրցակցությունը նոր մակարդակի է բարձրացել 2009 թվականին, երբ Ռոնալդուն պայմանագիր է կնքել Մադրիդի «Ռեալի» հետ: Նրանք 2009-ից 2018 թվականներին պարբերաբար հանդիպել են խաղադաշտում «Էլ Կլասիկոներում»: Ընդհանուր առմամբ` 15 տարվա ընթացքում Մեսին նվաճել է 8 «Ոսկե գնդակ», Ռոնալդուն` 5:
8️⃣🌕 for Messi & 5️⃣🌕 for Ronaldo.
— Ballon d'Or (@ballondor) May 17, 2025
Messi reflects on his immense rivalry with Ronaldo for the Ballon d'Or. Between 2008 and 2023, they won the trophy 13 times! What is your favourite memory of the battle between the two most successful Ballon d'Or winners?#ballondor pic.twitter.com/9CVkK1pqwn
