ՊՍԺ-ի հարձակվող Լիոնել Մեսիի մերձավորները վերապահումներով են մոտենում թիմի գլխավոր մարզիչ Մաուրիսիո Պոչետինոյի աշխատելաոճին՝ հաղորդում է L’Équipe-ը:
Աղբյուրի փոխանցմամբ՝ Մեսիի շրջապատը քննադատում է Պոչետինոյին չափազանց բարդ խաղային պլան ընտրելու համար: Մեսիի մերձավորները միաժամանակ վստահ են, որ ֆուտբոլիստի անարդյունավետ ելույթի պատճառներից գլխավորն այն է, որ Պոչետինոն մինչև այժմ չի որոշել, թե կոնկրետ ինչ գործառույթներ պետք է կատարի Մեսին:
Հիշեցնենք, որ Մեսին ՊՍԺ-ի կազմը համալրել է 2021 թվականի ամռանը «Բարսելոնայից»: 34-ամյա հարձակվողն ընթացիկ մրցաշրջանում մասնակցել է Ֆրանսիայի առաջնության 9 խաղի՝ դառնալով 1 գոլի և 3 գոլային փոխանցման հեղինակ:
