Արգենտինայի ազգային հավաքականի ավագ Լիոնել Մեսին 14 տարվա մեջ առաջին անգամ գոլ չի խփել խոշոր մրցաշարի խմբային փուլում, հայտնում է OneFootball-ը:
«Ոսկե գնդակի» 8-ակի դափնեկիրն ԱՄՆ-ում ընթացող Ամերիկայի գավաթի խաղարկության խմբային փուլի երեք խաղերից երկուսին է մասնակցել, որոնցում դարպասի գրավմամբ աչքի չի ընկել:
Ամերիկյան «Ինտեր Մայամիի» 37-ամյա հարձակվողը վնասվածքի պատճառով բաց է թողել Պերուի հավաքականի դեմ խմբային փուլի երրորդ տուրի խաղը (2-0):
Մեսին նախորդ անգամ խոշոր մրցաշարերից ԱԱ-2010-ի խմբային փուլն էր անցկացրել առանց գոլի:
Հիշեցնենք, որ Ամերիկայի գործող գավաթակիր և ԱԱ-2022-ի չեմպիոն Արգենտինան 100 տոկոսանոց արդյունքով դուրս է եկել քառորդ եզրափակիչ: Մեսին պատրաստ կլինի փլեյ-օֆֆի առաջին խաղին:
